Hólmfríður Ófeigsdóttir

Búastaðir

690 Vopnafjörður

 

Hólmfríður hefur getið sér gott orð sem afburða prjónakona sem hefur sankað að sér mikilvægri þekkingu á mismunandi mynstrum og prjónaaðferðum. Hún prjónar meðal annars tvílita vettlinga eins og sjá má hér til hliðar þar sem áttablaða rósin spilar stórt hlutverk.

Þá er hún að þróa aðferð við að skera niður hreindýraleður og nota það til að prjóna úr.

 

 

 

 

 

Héléne Magnússon

Lúxemborg

 

Héléne Magnússon er frönsk að uppruna en myndlistamenntuð á Íslandi. Hún sækir innblástur sinn í íslenskt handverk og ber þar hæst annars vegar rósaleppaprjón og hins vegar ull íslensku kindarinnar.

 

 

 

 

 

Ríta Freyja Bach

Grenigerði

311 Borgarnes

 

Ríta býr og starfar í Borgarfirðinum. Hún ásamt manni sínum Páli hefur mikið notað horn og bein sauðkindarinnar við hvers kyns hönnun, sérstaklega í skartgripagerð.

 

 

 

 

Hanna Design - Ullarvinnsla Frú Láru

Laugarvegi 20b - Öldugötu 14

101 Reykjavík - 710 Seyðisfjörður

 

Ullarvinnsla Frú Láru er staðsett á Seyðisfirði og sérhæfir sig í framleiðslu á þæfðri ull. Fyrirtækið hefur starfað náið með Hönnu sem hannar hágæðaflíkur úr framleiðslu þeirra.

 

 

 

 

 

 

 

 

Hekla Íslandi

 

Myndlistarkonan Hekla Björk Guðmundsdóttir stofnaði fyrirtækið árið 1996. Helstu vörur þess eru kort, servíettur og gjafapokar - gæðavörur sem hannaðar eru undir íslenskum og norrænum áhrifum. Servíettur fyrirtækisins þar sem notast er við hið þekkta mynstur íslensku lopapeysunnar hafa slegið í gegn á Íslandi.

 

 

 

 

 

Dynskógum 7

700 Egilsstaðir

 

Ingunn er grafískur hönnuður og myndlistarmaður sem hefur mikinn áhuga og ást á íslensku sauðkindinni. Hún hefur mikið notað bæði íslenskan lopa og ull í hönnun sína og list. Hér má sjá fallega minnisbók með prjónuðum hólk utan um.